Wednesday, November 18, 2015

Kabau Sirah Bajalan Maosoh-Osoh

Sagalo di duya ko ada masa nyo. Jatah jayo jo sanang ibo hati. Tantu suatu saat tibo lo maso baibo hati. Indak dapek indak doh karena itu lah jadi kodrat.

Baitu pulo mancaliak tim kasayangan kito basamo nan sadang ikuik turnamen mamparabuikan Piala Sudirman, Semen Padang tajilapak di patandiangan patamo malawan tim nan tibo dari ujuang Indonesia, Persipura. Baban barek siguluang batu?

Apolah sabab dan musabab nan mambuek Kabau Sirah tu jalan maosoh-osoh tantu indak paralu dikubak bana. Kambali baliak ka kecek di awa tadi, nan roda yo taruih baputa. Tando e kahidupan lai bajalan.

Awak mungkin samo satuju, mancaliak patandiangan tadi malam saraso manonton lago final Liga Champion se aso e. Badabak dabuak darah di dado. Aso-aso ka manang.

Nan kami disiko tetap yakin dan badoa supayo Kabau Sirah ko tetap taruih maju. Kuaik taruih. Basumangaik takah tim lain dan juara turnamen. Aamin!

___
Ilustrasi: @petekmuller/instagram

Whatsapp Button works on Mobile Device only

Start typing and press Enter to search