Monday, October 19, 2015

Kempuik

Nampak e haruslah tiok urang ko mambaok kaco ciek surang. Pasang dakek talingo masiang-masiang takah spion oto bia biso bakaco tiok sabanta, maukua diri. Bia lidah tu indak sumbarang kalua se mancorocoh, mahino urang lain. Ondeh walaupun rancak bana badan ko, indak ado hak kito ko mancacek urang doh.

Dek ambo tadi indak sangajo tadanga kawan manelpon. Jadi paja tu sempat mancacek fisik kawan e nan di subarang telpon tu. Kato-kato paja ko lumayan padiah. Angek manusuak kupiang. Indak kupiang kawan e tu doh mungkin urang nan mandanga juo pasti lah sato takajuik. Emang sia bana awak ko sampai barani mancacek fisik urang.
Jan pernah mancacek kalau bukan waang nan manyiptakan

Nan labiah aneh bin ironis tu iyolah, paja ko indak lo rancak doh. Kalau buliah ambo mangecek, maaf, kempuik pulo. Jadi mukasuik e mancacek tu apo lah, sadang badan diri indak lo labiah rancak doh. Tu mangko awak sabuik tadi, bakacolah tiok sabanta. Kalau indak amuah repot, pasang se dakek talingo takah spion oto. Ba a gati?

Post a Comment

Whatsapp Button works on Mobile Device only

Start typing and press Enter to search